جيتي سلام على قلبي
ورحتي وداع بكيفك
حركتي كل اللي سكن
ونا ساكن فيك وفيني
سكن طيفك..!

سألتك عشر من الأسئلة
وليتني ما سألت ثامنهم
وجاوبتي مدري عن نصبك
وصدقك .. بس حبيتك ..!

انا الكاذب في شعوري
هبك انتي اللي صدق
وش يدرّي القلوب عن بعيد المدى
متى يصدق شعوره ومتى كذب
هالدنيا لاهي على كيفي ولا كيفك..!

إنتي آخر مطاف بالخيال
وليتك جيتي من زمن اول
يمكن كان نفضت غبار السنين
يمكن كان غمرتك وتحت جناحي طويتك..!

والله اني اعشق الحرف من كفك
واعيش به عمر للحظة
يا هي حروفك حياة للي يسرح بها
وياهي حسرات عليّه يلمس الحرف مني
نقص حاجاتي وإن دورتك ما لقيتك ..!

ياجميلة الطبع من غيرك طباعك
ليتني اقدر اغيرك
او ليتني بالتطبع استطبعت طبعك
كان ما جازفت وتحديتك ..!

إنحناءات جسد..!       الثلاثاء 8- ربيع ثانى- 1431 هـ الموافق 23-مارس- 2010 مـ 3:39 صباحآ