التفكير مجرد التفكير بالناس وردود افعالهم وتقييمهم لك ولاتصرفاتك اعتبره فشل شخصي
لكل من يعطي مجرد اهتمام هالموضوع
ممكن قبل كم سنه كنت هالنوع من الناس ان ألتفت لتعليقات والتحطيم والسلبيه واعترف كنت اجلد ذاتي بشكل مأساوي لدرجة أن اعتزل العالم اللي حولي فترة حتى اتصالح مع نفسي
لكن حالياً وهالشيء اعتبره شجاعه تقييمي لذاتي هو الأهم وتصرفاتي انا وحدي اللي اتحكم فيها
بدون مغالطات وتأنيب وضرب حساب لأي شخص
تواصلي وتجاربي وقراراتي صارت اقوى واشجع
مافينا نرضي احد لان مافيه اي بني آدم يعجبه شيء حتى علاقاتك مع الأخرين يشوفونها من باب التقييم لك ولتصرفاتك اللي بالاساس مالهم احقيه يتفلسفون فيها
اكثر شيء سبب لي ازمه ان طبيعتي اللي اعتبرها نوعاً ما سذاجة خلت بعض المتلاقفين يقيمون احترامي وتربيتي وصمتي عند بعض المواقف اللي اعتبرها مو مقياس يخليني ارد او اعطيها اهميه بنعتي بالجبانه
طيب جبانه على نفسي من له الحق يحاسبني لا احد انا وبس اللي احاسب نفسي بنفسي يعني تقييم ذاتي
اوقات أتأثر مو لان هم صح لا لان انا سمحت لهم بالشعور هذا تجاهي
اوقات اعتبر النزاعات والمواقف والنقاشات اللي محدوده وزاويتها ضيقه شيء مايتناسب مع شخصيتي وتفكيري ولا ينفع اضيع وقتي في شيء مع اشخاص واثقة ثقة تامه ان بلا فائده
ياعالم ياهوه كل انسان له موده وتفكيره وطريقته بالتعاطي مع الامور بالله عليكم انتم ايش حشركم اعتبروني مخلوق غريب تفكيري معاكس شخصيتي هلاميه مش ملزمين تتقبلوني ولا تقيموني ولاحتى تحبوني
الحياة كذا الانسان يعدل من سلوكه من شخصيته من تفكيره مو ضعف ولا جُبن ولا خوف
هو تصالح ذاتي مع حاله ومع مفاهيمه صدقوني مالكم اي علاقة بالموضوع هو اعمق وادق من اني اشرحه
وسلامتكم
