ماهو انا اللي يترك الجرح ويغيب ..!
انا اللذي جرحي اداريه بغياب..
وانا اللذي طيبي تعدّى المواجيب..
حتى عدوّي له حشيمة وترحاب..!
ماقد جرح خاطر محاكيك ياذيب..
سوى غيابك غير هقوات الاصحاب..
ارقى بهم ليلي طوال المراقيب..!
وكني احب وكن هالعالم احباب..!!
واحدر وانا مابين رغبة وترهيب..
ودّي ولكن الطّبِع دوم غلاب..
ويصير قلبي بين لوعة وتأنيب..
ويطول ليلي بين شرهات وعتاب..
يمكن خطا..لكن للاخطاء تصويب..
منّي و لي من غير تبرير واسباب..!
والله ..يا لولا الله والناس والعيب..
إني لاطيِّب خاطرٍ منك ماطاب..
وآخذ من انفاسك على عاتقي طِيب..
واذوووب مثل الشمع ياشوق لاذاب..
وتقول توبه عنك آصد وآغيب..
ويطيب جرحٍ كنت اداريه بغياب.
