هاك
ما يروي ضماك
من منبع إحساسي
كأس .
واسقيني
من ندى زهر خدك
عذوبة .
انتي سُكر
وقهوة العُمر مُره
من لهفتي عليك
اعشق السُكر
واموت في طعمك
يا احلى منه ومن ذوقه ..ّ
ما ودي اذوّبك
في مرارة حياتي
وانتي أمل
يقهر مُر
الايام .. انتي سُكري
اللي بقى لي
اللي احبه واحنه
خايف يبيح مني
غن اعتدت ذوقه .
يا زهرة الدنيا
امسكي يدي
بـ نُزهةٍ في اعماق
قلبي خذيني مشوار
ابي اشوف وياك
نقش إسمك على
جدران روحي
واطراف صدري ..ّ
لو سمح وقتي
بي لك وبك لي سمحتي
بعطيك كُلي
وهات منك بعضك
خليني أجني
من شهد حُبك
ما يداوي الجراح
وللضيمْ يشفي ..ّ
راح الوقت وباقي
حُبنا بدري
من زمان وقلبي
بك يفكر و يهذي
وتو قلبك بحبي
لك صدقي يدري . ّ
في سمو الروح
يزيد قدْرك
وفي خبايا النفس
بخبيك عن كل عين
ابيك في سري
واخشي عليك
من جهري مني ومنك
من زمانك ودهري
دخيل الحنان
إللي يسري بعروقك
ابي اروى
من وابل هطولك
ابي غيمك
وبي ظِلك .. خايف انا
اتوه لا إتقفلت بوجه
الخُطى باقي دروبك ..ّ
يا لهفتي في سكون
الوقت .. يا نسائم صبحٍ
هزت غصون التوت
خذي حناني على بساط
الهوى .. وقبل النور
ابي يوصلها في بكور
سلمي على عيونها
وإنحني ظِلٍ على كتوفها
وإهمسي لها همس
يبي ينسى قصة غرامه
يبي تشعلي من فتيل
شعوره آخر هيامه
وينسى الماضي وأيامه.ّ
خذيني فجر للمحبه
لا تخافي غيّي الطاهر
لا تفزعي وتنادي
اهمسي لي همس
وعلميني الـ حُب
مثل القصص مثل حكايات
الأجداد بألامس.ّ
وامسحي دمعة الحزن
اللي شقت خد ايامي
هاتي حنانك وهاتك
بحرسك بروحي وجنوني
وبغمض عليك صادق
الجفن من عيوني يا عيوني .
